Hollvinasamtök Reykjalundar

Hollvinasamtök Reykjalundar eru mikilvægur bakhjarl í þágu endurhæfingar á Reykjalundi. Í samtökunum er fjöldi einstaklinga sem greiðir hóflegt árgjald í þágu starfseminnar.

Með því að gerast Hollvinur Reykjalundar leggur þú þitt af mörkum til að fleiri komist fyrr út í lífið á ný.

▪ Reykjalundur í Mosfellsbæ er stærsta og ein mikilvægasta endurhæfingarmiðstöð landsins.

▪ Á ári hverju njóta á annað þúsund manns endurhæfingar á Reykjalundi og öðlast þar með bætt lífsgæði, færni og betri vinnu- og sjálfsbjargargetu eftir áföll eða veikindi.

▪ Reykjalundur hefur starfað frá miðri síðustu öld og stutt fólk út í lífið á ný.

▪ Mikil samfélagsleg verðmæti felast í starfseminni á Reykjalundi og endurhæfing er þjóðhagslega hagkvæm.

▪ Reykjalundur er mikilvægur hlekkur í heilbrigðisþjónustu landsins þó starfsemin sé ekki á fjárlögum ríkisins.

▪ Reykjalundur er rekinn á óhagnaðardrifnum grunni og greiðir ekki arð.

▪ Reykjalundur starfar skv. lögum um veitingu heilbrigðisþjónustu og þjónustusamningi við Sjúkratryggingar Íslands, sem greiðir fyrir endurhæfingu en ekki húsnæðiskostnað.

▪ Reykjalundur er í eigu SÍBS og er rekinn fyrir sjálfsaflafé, m.a. tekjum af happdrætti SÍBS, sem fara minnkandi ár frá ári. 

▪ Hollvinir Reykjalundar styðja við starfsemina með öflun fjár sem veitt er í ýmiskonar verkefni í endurhæfingastarfinu á Reykjalundi, sem ella væri ekki hægt að sinna.